كتب – أحمد عادل
فجر عماد فاروق، المعد النفسي السابق للأهلي، مفاجأة مُدوية بشأن تعامل محمد رمضان المدير الرياضي مع لاعبي القلعة الحمراء، وأسباب رفضه العمل داخل النادي في هذه المرحلة.
وقال فاروق في تصريحات خاصة لـ”كل الكوورة”: “لما دخلت الأهلي وعرضت خريطة عملي على كولر اقتنع بها بنسبة 100% وكان فيه جلسة تاني علشان نبدأ نشتغل لكن محمد رمضان هو اللي منع الجلسة دي لأني راجل دارس علم وهما مش عايزين نطلع نقول الحقيقة”.
وتابع: “محمد رمضان كان عايزني أفهمه كل حاجة بعملها وكنت بقوله أنا راجل دارس لكن أنت مدير رياضي مش هتفهم العلم ده”.
وأضاف: “لما أنا كل شوية اللي رايح واللي جاي عايزني أفهمه طب أنا كده جاي أدي دروس خصوصية في الأهلي مش معد نفسي”.
وأردف: “كنت كل لما أعمل حاجة محمد رمضان يقولي مش فاهم طيب ما أنت طبيعي متفهمش”.
أكمل: “المعد النفسي دوره يدي اللاعب المعلومة فقط وهو ينفذ ولكن لقيت إدارة الأهلي فاهمة المفاهيم غلط وكل واحد تفكيره في حته”.
وأستطرد: “الخلل بيظهر في المباريات الكبيرة اللي من بطولة واحده زي باتشوكا لما خسرت ضربات جزاء وقولت حظ ولما كسبت الزمالك عن طريق ضربات الجزاء قولت ده فوز مستحق”.
وأتم: “مشكلة إدارة الأهلي إنها بتعيش جماهيرها في الوهم وتفضل تعلن وتعمل دعايا قبل المباريات وفي الأخر تخسر وده اللي بيعمل الإحباط”
