مع اقتراب فصل الشتاء تبحث الكثير من الأمهات عن طريقة عمل الهوت شوكلت أو الشوكولاتة الساخنة ويعتبر من المشروبات الشتوية التي لا غنى عنها في فصل الشتاء، الشوكولاتة الساخنة من المشروبات اللي بتدي شعور بالدفء وبتدي إحساس بالراحة، بيحبها الكبار والصغار، مشروب لذيذة وسهل التحضير، وبدل ما تشتريه جاهز، تعالي نعرف مع بعض إزاي تعمليه في البيت بطريقة بسيطة ومكونات متوفرة عندك في المطبخ.
طريقة عمل الهوت شوكلت
استعدي لفصل الشتاء وخليكي خبيرة في عمل مشروبات الشتاء زي السحلب والهوت شوكلت وهما من اشهر مشروبات الشتاء، وعلشان تعملي هوت شوكلت لذيذ وصحي جهزي المشروب في البيت من مكونات موجودة بالمطبخ:
مكونات عمل الهوت شوكلت
استخدمي المكونات دي في طريقة عمل الهوت شوكلت وكلها موجودة بالمطبخ:
- 2 كوب حليب كامل الدسم.
- 3 ملاعق كبيرة كاكاو خام من غير سكر.
- 2 ملعقة كبيرة سكر .
- 100 جرام شوكولاتة غامقة.
- نص ملعقة صغيرة فانيليا.
- ربع او ثلث كوب ماء مغلي.
- رشة ملح صغيرة ودي لزيادة نكهة الشوكولاتة.
- كريمة مخفوقة للتزيين.
- مبشور شوكولاتة للتزيين.
خطوات عمل الهوت شوكلت “الشوكولاتة الساخنة”
الهوت شوكلت مشروب جميل ولذيذ وصحي جهزيه لأسرتك في فصل الشتاء بجانب الأكلات الشتوية الشهيرة واللي بتدي شعور بالدفء، وللحصول على أفضل نتيجة اتبعي الخطوات التالية للحصول على مشروب الهوت شوكلت اللذيذ وفرحي اطفالك وزوجك:
- في حلة صغيرة ضيفي اللبن على نار متوسطة وسخنيه لحد ما يبقى دافيء، عشان يذوب باقي المكونات.
- اخلطي الكاكاو الخام مع السكر ورشة الملح، في وعاء آخر .
- ضيفي خليط الكاكاو والسكر على الحليب الساخن وقلبيهم كويس باستخدام مضرب يدوي عشان تتأكدي إن الكاكاو كله داب ومفيش أي كتل.
- بعد ما المكونات تختلط كويس، ضيفي قطع الشوكولاتة الغامقة وقلبي باستمرار لحد ما تذوب في الحليب.
- بعد كده، ضيفي الفانيليا.
- صبي الهوت شوكلت في أكواب، وممكن تضيفي طبقة من الكريمة المخفوقة على الوش وترشي مبشور الشوكولاتة للتزيين.
- برضوا ممكن تضيفي قطع المارشميلو للتزيين.
